शरद् !

कलानिधि दाहाल (२०१६ फागुन ०८, ओखलढुङ्गा,बिगुटार नगरपालिका) नेपाली कविता परम्परामा गद्य र पद्य दुवै ढाँचाका कविता कलामा पोक्त प्रतिभा हुन् । उनका गौरवमय नेपाल (२०३८), केही कविःकेही कविता (२०४३) र कलानिधिका चुनिएका कविता जस्ता कवितासङ्ग्रह प्रकाशित छन् । उनले कविताको अभ्याससँगै सीमावासु (२०६५) खण्डकाव्यका साथै विभाजित विश्व (२०६६) महाकाव्य कृतिहरू सिर्जना र प्रकाशन गरेका छन् । उनी अहिले पनि निरन्तर कविता साधनामा सक्रिय छन् । उनको कलम आख्यानतर्फ पनि सक्रिय छ । उनका अरस्तुदेखि बङ्करसम्म ( २०६८) उपन्यास कृति प्रकाशित छ । उनी आफ्नो समयका राम्रा निबन्धकार पनि मानिन्छन् । उनको शिखरयात्रा (,२०७६) निबन्धसङ्ग्रह प्रकाशित छ । शिक्षण पेसाबाट सेवानिवृत्त दाहाल अहिले निरन्तर सिर्जनामै सक्रिय छन् । उनी सीताराम प्रज्ञाप्रतिष्ठान भानुमोति पुरस्कार (२०५८), सुलेख आख्यान प्रतिभा पुरस्कार (२०७३) लगायत विविध पुरस्कार एवम् सम्मान प्राप्त प्रतिभा हुन् । साहित्यसागरको प्रस्तुत शृङ्खलामा उनको शरद् शीर्षकको कवितालाई समेटिएको छ । यस कविताले सरद्कालीन प्रकृतिलाई विविध विम्बमा प्रस्तुत गरेका छन् । उनले सरदका गुणलाई राष्ट्र निर्माणमा समर्पित शासकका गुणसँग तुलना गर्दै कवितालई निकै कलात्मक रूपमा प्रस्तुत गरेका छन् ।