 लालगोपाल सुवेदी (२०२७ जेठ २०, हालको हरिनास गाउँपालिका, क्याक्मी, स्याङ्गजा, सुपुत्र : मेघनाथ सुवेदी र मिठु सुवेदी) नेपाली साहित्यका बहुमुखी प्रतिभा हुन् । उनको सङ्क्षिप्त परिचय यसअघिका अङ्कमा समेटिइसकेको छ। यस अङ्कमा उनको नयाँ वर्षको शुभकामनास्वरूप प्रस्तुत गरिएको छ ।-सम्पा. |
नेपाली नव वर्षले हजुरको फक्रोस् फुलोस् जिन्दगी
जाऊन् जीवनबाट दु:ख सब नै पानी बगेझैँ बगी
चाहेका सब काम पूर्ण हुन गै, मुस्कानको वर्ष होस्
त्यो सिंगै परिवारमा , हजुरका आफन्तमा हर्ष होस् ।
साथी, भाइ र बन्धुवान्धवहरू नित्यै बनून् दाहिना
चालेका हर पाइला सफरमा दायाँ हऊन् चन्द्रमा
कोरोना भयबाट मुक्त हुनुहोस् , थाल्नोस् नयाँ जीवनी
स्वीकार्नोस् शुभकामना र कविता सद्भाव सन्जीवनी !!!
