इलामेली कविका कविताहरू संग्रहित पुस्तक ‘सिर्जनाको क्यानभासमा इलाम’ लोकार्पण भएको छ ।
काठमाडौंमा यशोभानु साहित्य तथा संगीत प्रतिष्ठानको आयोजनामा स्रष्टा भानुभक्त भट्टराईको प्रथम वार्षिकोत्सवको अवसर पारेर समालोचक प्रा. डा. वासुदेव त्रिपाठीले कृतिको विमोचन गरेका हुन् ।
पुस्तकमा इलामका १०१ जना कविका कविता सङ्कलन गरिएका छन् । कार्यक्रममा पुस्तकमा समाविष्ट केही कविता वाचन समेत गरिएको थियो ।
कार्यक्रममा त्रिपाठीसहित साहित्यकार डा. रमेश शुभेच्छु, मणि पनेरू नेपालीलगायत विशिष्ट व्यक्तित्त्वको उपस्थिति रहेको थियो ।
