काठमाडौँ — वासुदेव–विद्यादेव लुइँटेल गुठीले हास्यव्यंग्य चित्रतर्फको पुरस्कार कलाकार शशी शाह र हास्यव्यंग्य अभियनतर्फको पुरस्कार किरण केसीलाई प्रदान गरेको छ ।
नेपाली हास्यव्यंग्य क्षेत्रका प्रतिभा वासुदेव शर्मा लुइँटेलको स्मृतिमा स्थापित पुरस्कार साहित्यकार श्री रोचक घिमिरेले शुक्रबार एक कार्यक्रमकाबीच प्रदान गरे । यी दुवै पुरस्कारको राशि एक लाख एघार हजार एक सय एघार छ ।
कार्यक्रममा साहित्यकार घिमिरेले पुरस्कृत वरिष्ठ कलाका शाहको नेपाली आधुनिक कलासँगसँगै हास्यव्यंग्य चित्रकलामा पनि विशिष्ट योगदान रहेको बताए । पुरस्कृत केसीले पुरस्कार स्वरुप आफूले पाएको रकम मध्ये ९० प्रतिशत समाजसेवामा खर्चने जानकारी दिए ।
