काठमाडौं । साहित्यकार कृष्णप्रकाश श्रेष्ठको स्मरणमा शब्दचित्र प्रकाशन हुने भएको छ। प्रवासमा बसेर नेपाली साहित्यको उत्थानमा निरन्तर सक्रिय रहेका स्व. श्रेष्ठको सम्झनामा गैरआवासीय नेपाली संघ (एनआरएनए) ले स्मृतिग्रन्थ प्रकाशन गर्ने भएको हो ।
नेपाली साहित्यको लेखन र रुसी भाषामा अनुवाद तथा नेपाली साहित्य र संस्कृतिको उत्थानमा अनवरत ६ दशकसम्मा योगदान दिएका साहित्यकार श्रेष्ठको कोरोनाका कारण गत २९ मार्चमा निधन भएको थियो ।
श्रेष्ठको योगदानको कदर गर्दै उनको स्मृतिमा,‘शब्द चित्रमा कृष्णप्रकाश श्रेष्ठ’ प्रकाशन गर्न लागिएको गैरआवासीय नेपाली सङ्घको भाषा, साहित्य, संस्कृति तथा सम्पदा समितिले जनाएको छ ।
समितिले श्रेष्ठको बारेमा जानकारी राख्ने व्यक्तिले स्मरणहरु प्रकाशनका लागि पठाउन आग्रह गरेको छ । प्रकाशनका लागि समितिले श्रेष्ठसँग सम्बन्धित स्मरणहरू पठाउन भनेको छ ।
