काठमाडौँ । नइ प्रकाशनले कोरोना महामारीका कारण स्थगित भएका आफ्ना पुरस्कारहरू अर्को वर्ष प्रदान गर्ने भएको छ ।
प्रकाशनका सदस्यसचिव नरेन्द्रराज प्रसाईँले सूचना जारी गर्दै २०७८ साल वैशाख ३० गते एक कार्यक्रमकाबीच पुरस्कार प्रदान गर्ने जानकारी दिएका हुन् ।
सूचनाअनुसार पुरस्कार शताब्दी पुरुष सत्यमोहन जोशीको १०२औँ जन्मोत्सवका अवसरमा प्रदान गरिने छ । पुरस्कार उनैका हातबाट प्रदान गरिने पनि सूचनामा जनाइएको छ ।
प्रकाशनले दुई लाख राशीको ‘नइ देरुनीख अन्तर्राष्ट्रिय पुरस्कार भारतका दुर्गाप्रसाद श्रेष्ठलाई प्रदान गर्ने घोषणा गरेको छ । यसैगरी एक लाख राशीको ‘नइ भावि पुरस्कार’ डा. गौरीशङ्कर दासलाई प्रदान गर्ने लगायतका २५ वटा पुरस्कार घोषणा गरेको छ ।
