|
-सम्पा. |
विपिन अगस्तिको परिचय साहित्यसागरका विभिन्न शृङ्खलामा रहेको छ । उनी नेपाली साहित्यको मूलतः गजल विधामा कलम चलाउने प्रतिभा हुन् । साहित्यसागरको प्रस्तुत शृङ्खलामा उनको नयाँवर्षसम्बन्धी शुभकामनामूलक गजल रचना समेटिएको छ ।खुशी हर्ष सारा बोकी आओस् नयाँवर्ष
प्रेम भाइ ~ चारा बोकी आओस् नयाँवर्ष ।
परिश्रमका आँगनमा प्रतिफलको ज्योति
सिर्जनाका तारा बोकी आओस् नयाँवर्ष ।
उत्साहका छहरा छाँगा वहार वसन्तका
उमङ्गका धारा बोकी आओस् नयाँवर्ष ।
अधिकारको ओतभित्र कर्तव्यको कुम्लो
असल अभिभारा बोकी आओस् नयाँवर्ष ।
स्वाभिमानको सगरमाथा विकासको कोशी
समृद्धिको रारा बोकी आओस् नयाँवर्ष ।
