सम्मान–पत्रमा राष्ट्रकवि माधव घिमिरे, संस्थाका प्रबन्ध निर्देशक दीपक भण्डारी, निर्देशक रुपेन्द्रकुमार जोशी र अध्यक्ष भास्कर भण्डारीको हस्ताक्षर छ । यस सम्मान पत्रमा २०७४ पुस ११ गते शनिबारको मिति पनि उल्लेख भएको छ । यो सम्मानपत्र घिमिरेका हातबाट पाएको अन्तिम सम्मान–पत्र बन्यो । यो सम्मान साहित्यिक संस्थाले नभई गैरसाहित्यिक संस्थाले प्रदान गरेको थियो तर यसको भषा र भावना साहित्यिक थियो । यस पत्रलाई प्रदान गर्ने पात्र साहित्यका महारथि थिए । यस सम्मान–पत्रमा रहेको कवितांश सम्मान पाउनेकै थियो । यो सम्मान पाइँरहँदा म तेह्रजना सहयात्रीसँग र विशिष्ट साहित्यिक माहोलका बिचमा थिएँ । त्यो भन्दा बढी यो सम्मानपत्र राष्ट्रकविका हातबाट थापिरहेको थिएँ । त्यस दिन भएको काव्य विमर्शले लाई अझ गहिर्याएको थियो ।
विशिष्ट व्यक्तित्वसँग खिचिएको तस्बिरको महत्त्व आज बढिरहेको छ । आज आफैँले सम्पादन गरेको वेव सञ्चारमाध्यममा यस तस्बिरलाई पहिलो पटक सार्वजनिक गर्दैछु । आशा छ यस नयाँ सञ्चारमाध्यम ‘साहित्य सागर’मा पनि घिमिरेको आशीर्वाद रहिरहने छ ।
