हरिहर दाहाल
सनीभेल, क्यालिफोर्निय USA
सनीभेल, क्यालिफोर्निय USA
सफा सडक, भद्र मान्छे, बिजुली छ घरमा !
जात, भात, गोत्र-खान्दान चासो छैन थरमा !!
पिज्जा,बर्गर, सूप-सलाद, पेट भरी खाने,
साग सब्जी फलफूल जूस, झोला भरी लाने !!
खाँचो छैन अन्न धान्य, चाडपर्व मान्न
लुगा फाटो पाहुनापाछा, घर गृहस्थी धान्न !!
स्कुल, सडक, बगैँचा र अस्पातल छन् राम्रा
धनी गरीब सबै समान, कोही हुन्नन “हाम्रा” !!
गुण्डा-पुलिस-नेता-डाँका, मिलेमतो हुन्न
आकाश तल खस्ला बरु चक्काजामले छुन्न !!
मन्त्री-सांसद-पियुन-हाकिम, सबलाई लाग्छ कानून !
नेपाल कहिले यस्तो होला ? पशुपतिले जानून !!
